بسم الله.في طنجرة نضع البصل و التومو القليل من الزيت يتقلاو ومبعد نضيف نصف ملعقة طماطم مصبرة و نقلي مليح و مبعد نضيف الملح و الفلفل اسود والفلفل احمر و نحرك

وبعد ما يتقلاو جيداً نمرق بماء ساخن ونخليها تغلي

نجيب الزيتون نحطو في ماء ونحطلو ملعقة خل و نخليه يغلي و لما يغلي نصفيه من الماء و نضيفو للطنجرة ونخلي الكل يطيب (يستوي) معا

وبعدما يطيب (يستوي) الزيتون نجيب ملعقة كبيرة من الطماطم مصبرة و نحطها في المرق و نخليها تغلي شوية و بعدذالك نضيف كمية من المقارونة و نحرك جيداً و منخليهاش تلصق في الطنجرة و نخليها تطيب اي تستوي

وبعدما تطيب اي تستوي المقارونة وتنشف المرقة نطفي عليها

وبعد ذالك نحطها في صحن التقديم و نزينها بالجبن المبشور و قطع الزيتون وشهية طيبة للجميع