أولا نحضر الخبز نخلط الطحين والخميرة والسكر والملح والماء ونعجنهم جيداً ثم ندخل الزبدة في الأخير ونعجنها جيداً حتى تتداخل وتصبح العجينة ملساء نغطيها ونخليها تختمر

ثم بعدما يخمر نقطعوه قطع نكوروهم ونعملوها كريات ثم نأخذ كل كرية نحلوها بالطول ونلويها على نفسها ونسويها جيداً ونحطها في الصينيةوآخرين نعملوهم كويرات عادي ونخلوهم يخمرو

ثم بعدما يخمرو نأخذ قدر فيه ماء يغلي نحط فيه ملعقتين بيكربونات الصوديوم لما تغلي نأخذ كل خبزة ونحطها في الماء لتسلق 30ثانية لازم نحسب ثم نحطها على ورق الزبدة ونعمل عليها خطوط بالسكين ونخليها تزيد تختمر

ثم بعد ما تختمر ندخلوها للفرن مسخن مسبقا حتى يتحمر من الفوق وتحت ونخلوه يبرد بعدها نحشيوه بالبطاطا المقلية والطماطم والخس وقطع الديك الرومي وصلصة المايونيز والهريسة وشهية طيبة