الخطوات
- 1
نأخذ السميد نحط عليه الملح السكر الزيت لخميرة تاع الخبز ونخلطهم مع بعض ونبدا نبل بالحليب ونعجن بالتقطاع ونبل غير بالشوي مانزربش ليه ونستمر فالعجن جيداً والتقطاع كيما اي مثل عجينة النعمة أو الشخشوخة ونزيد لحليب حتان (حتى) تبدا تطلق لعجينة نولي نخبطها ونبل
- 2
ومن بعد نبدأ نمحر بكف يدي حتان (حتى) نتحصل على عجينة جارية في بعض الأحيان إذا كان السميد يشرب نزيد كيلة ماء وفالأخير نزيد باكي خميرة قاطو والزوج بيضات ونحركهم حتى يمتازجو مليح ونخليهم يطلعو حوالي ربع ساعة على حساب حرارة المطبخ
- 3
ومن بعد نديبهم في مقلاة طيفال ولا طاجين طين ولا كارلاجة ندهنها بشوي زبدة ونمسها ونبدا نطيب نخليها حتان (حتى) تحمر من تحت وتبدا تتهز شوي ونحيها بموس ونقلبها من وجها الثاني لثانية فقط ونحطها في صحن وندهنها بزبدة ذايبة ولعسل أو نرش عليها السكر وتقدم سخونة يامي يام ههههه
- 4
ملاحظة: الكارلاجة عندها 3 سنوات مخصصتها خصيصا للغرايف ونغسلها ونخبيها وكي نبغي نطيب كي نحط لغرايف يطلعو نحطها ونقس للطابونة خلاص ونخليها تسخن باش ماتلصقش وفي أول حبة ندهنها بالزبدة ونمسح ومن بعد نطيب عادي ماتلصقش
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
-
-
-
-
-
غرايف (بغرير) غرايف (بغرير)
#معجنات_زمان غرايف زمان كيما اي مثل تعلمناها من الام والجدة وراني نعلم فيه لبنتي
-
وصفات ننصحك بمشاهدتها
التعليقات