أولا اغسلي الليمون مليح ثم اسكرفجيه اذا حبيتي تستفادي من بشوره واذا ماحبيتيش ما تسكرفجيهش ثم اعصريه وكيليه و الكيلة لي تكيلي بيها العصير هي لي تكيلي بيها السكر يعني اذا خرجلك غرفية مثلا ديري غرفية سكر (كيلة بكيلة)

ثم خلطيهم مليح و دخليه للثلاجة وخليه 24 ساعة وكل 2 او 4 ساعات حركي باش السكر مايقعدش و كي يفوتو 24 ساعة كيلي ربع لتر وحطيه في كيس التجميد و كي تحبي تستعمليه زيديلو لتر إلا ربع ماء و شهية طيبة