بسم الله بدأت، بواسطة الباتور نضرب البيض والسكر ورشة ملح جيداً حتى يبض الخليط ثم نزيد الكاكاو والفرينة بالتدريج ونخلط برفق بالباستولة حتى نتحصل على قوام الجينواز متجانس، نصبو في صينية متوسطة وعلى شكل مربع وفيها ورق الطهي وندخلها الفرن مسخن مسبقاً على 180 درجة لمدة 10دقائق،

لما طيب الجينواز نتركهاتبرد ثم نجيب قالب دائري أو من اختياركم ونقص بها قطع من الجينواز ونتركهم بجانب، نروحو نطلعو الشانتيه مع الحليب البارد ثم نزيدولهم الجبن لما تثقال الكريمة مليح، نزيدلها ياغورت شوكولاته نتحصل على شبيه كريمة الماسكربون بدون جبن الماسكاربون لي نستعملها في وصفاتي السابقة تيراميسو.

نجي لمرحلة تشكيل الڨاطو، هادوك الأشكال من الجينواز، نبلهم بشوية قهوة حلوة ونحط كريمة الشانتيه الباردة في بوش ونشكلها مثل الصورة بالقمع العادي أو بقص البوش قليلا بلا قمع ونعمل طبقتين من كل عنصر ونزينهم بالكاكاو من الفوق ونتحصل على قطعة حلوى لذيذة 😋 وأنيقة ،شهية طيبة 😍