نقطع الشفلور (القرنبيط) ونغسلو مليح ونحطو يغلي مع شوية ملح ونقطرو ونخليه يبرد ونحضر المرق نحط الدجاج والزيت والبصل والثوم والملح والتوابل تتقلى مليح ونضيف الطماطم ونقليها وشوية معدنوس (بقدونس) ونمرق بالماء الساخن وتحضر العقدة نحط البيض والثوم مسكرفج والتوابل وفنجان ماء ونضيف الفرينة (طحين) حتى تعقد شوية

نحط الشفلور (القرنبيط) في العقدة ثم في الخبز مرحي ونقليه ونقلي الفلفل الحار ونصفي المرق ونحط الشفلور (القرنبيط) في صحن التقديم ونصب عليه المرق وتزين بالمعدنوس والحار