في طنجرة حطيت الفخذ مع الزبدة والزيت يتقلاو ومن بعد لحت عليهم البصل والثوم وخليتهم يتقلاو مليح مليح حتان (حتى) تذوب هذبك البصلة ويطلق الدجاج البنة نتاعو

ومن بعد رميت عليهم الجزر مقطع دوائر والجلبانة والرند والمعدنوس وزدت خليتهم يتقلاو مليح مليح و رميت عليهم البهارات وزدت الماء الساخن وخليتهم يطيبو

من جهة جبت البطاطا وقطعتها دوائر وقليتها

كي طابت الجلبانة (البازيلا) حطيتها في المول وستفت البطاطا من الفوق ودهنت طرف الدجاج بالزبدة باه يتحمر وكسرة عليهم زوج بيضات من الفوق وخليتهم حتان (حتى) المرقة تجمرة والدجاج تحمر وخرجتهم من الفرن