في ماعون نخلط على الناشف خميرة الخبز و خميرة القاطو و السكر و الملح
نضيف لهم الماء الدافء و نخلطهم جيدا بملعقة و نضيف نصف الكوب زيت و نخلطهم جيدا ثم نبدأ بإضافة الفرينة بالتدريج
حتى نتحصل على عجينة نقدر نحلها بالحلال بكل سهولة

نفرش لها القليل من الفرينة بالماعون و نغطيها أيضا بالقليل من الفرينة ثم نغطيها و نتركها تختمر الوقت الكافي

نقطعهم كويرات و نتركهم يختمرو للمرة الثانية و نغطيهعم حتى يتضاعف حجمهم

تحضير الحشو :
نذبل البصل مع الزيت و الملح حتى يأخذ اللون الذهبي نضيف له الفلفل الأسود ثم الطماطم و نحلطهم جيدا و نتركهم ينسجمو مع بعض ثم نضيف البطاطة بعدما قشرناها وهرسناها جيدا ب الشوكة و نستمر في هرسها مع البصل في المقلاة حتى نتحصل على عصيدة.. نترك الحشو يبرد

نشعل الفرن على درجة 200
ندهن الصينية بالزبدة

نبدأ ببسط الكويرات بالحلال و نقطعهم بالسكين من الجوانب نضع الحشو في الجانب الغير مقطع و نطويها ثم نجعلها دوائر مثل الإسورة و نضغط عليها جيدا بالإصبع حتى تتغلق (الشكل و التزيين اختياري)
ندهنهم بالبيض

ندخلهم إلى الفرن حتى يطهو من تحت و يأخذو اللون الذهبي و نخرجهم و نقدمهم

بالصحة و العافية