نرحي البصله في الخلاط الكهربائي انا استعملت من البصل اللي جهزتو معاكم المره اللي فاتت نضع الدجاج سواء صدر او كاركاس او عنقوق.حسب المتوفر ثم نضع اغصان من المعدنوس (بقدونس) والزيت والملح وكل التوابل ما عدا الكزبرةو نظيف كميه من الجلبانه ونخلوها تتقلى مليح

من جهة اخرى نخدمو حشو تاع القرنون وهو عباره عن لحم مكفت او مفروم وشويه بصل ومعدنوس ونفس التوابل اللي استعملناها في المرق ما عدا القرفه ونزيدو التابل اللي ما درناهش في المرق وهو الكسبر...ههه كدلك عادة نديرولها كميه من الارز حتى تزكى وكدلك تمدلها طراوه

انا استغنيت عليه لان عندي ثلاث حبات قرنون فقط اكتفيت بملعقتين كبيرتين شابلور او خبز مرحي حتى تجيني الحشوة طريه وحبه البيض نخلط المقادير نعمر القرنونا اللي نقوهولي بناتي لعزاز او فرطسوهولي مزيه قدرت نسلكو شويه والباقي تاع الحشو ةنديرو ديبولات

في هذه الاثناء يكون الدجاج طاب نحبوه ونرمو ليبولات فالصوص وكذلك القرنون حتى نلقاووالجلبانه والقرنون طايبين زبدة نطفي النار عليها

نحو لبولات مع الدجاج

ونسقو في صحن التقديم مع شويه معدنوس (بقدونس) الله الله ونص حبه قارص (ليمون)...كاين ناس يحبو العقدة بصفار بيضه وشويه صوص وقليل من العدنوس مقطع رقيق وعصرة قارص (ليمون) كي يطيب (يستوي) نرمو عليها العقدة ونحركو تحريكه ونطفو النار.او بالثحة والهناء خياتي جات عالامه الله يبارك.