في إناء نخلط البيض بالسكر والملح ولفاني حتى يتضاعف حجمه ثم نزيدلو الكاكاو و الفرينة بالتدريج ونخلط من التحت للفوق ونحطوفي مول يكون مدهون ومن الاحسن يكون 20على20 ونحطو في الفرن حتى تطيب اي تستوي نحوها ونخلوها تبرد تماما

كي تبرد الجينواز نروحو نحضرو الكراميل تاعنا. ط1: في كسرونة نحطو السكر يذوب نزيدولو الكريمة الى تكون سخونة ونخلطوها مليح كي تغلي نحوها من فوق النار ونخلوها حوالي دقيقتي ونزيدولها الزبدة ونخلطو مليح ونميكسو بالميكسور ونفرغوها فوق الجينواز وهي سخونة

. او يمكن صنع الكراميل بطريقة 2:في كسرونة ندوبو السكر كي يذوب نزيدولو الزبدة ونخلطوها مليح ومنبعد نضيفو كاس الاربع ماء سخون ونخلطو مليح حتى يذوب السكر وربع الاخر نبردوه ونزيدولو الميزينة ولاالفرينة وندوبوها مليح ونضيفوهالها ونخلطومليح ومن الاحسن نكهوها بعطر الكراميل وكي تعقد نفروها وهي سخونا فوق الجينواز وندخلوها الثلاجة

في حمام مائي ندوبوالشوكولاته كي تذوب نزيدولها الزيت ونفرغوها مباشرة فوق الكوكاو تبانلكم بلي راهي جارية بصح تبرد ونحطوها في الثلاجة كي تبرد نقدموها وشهية طيبة