نحضر الكريمة: نغلي نصف كميه كريم فريش ثم نطفي النار و نحط الشوكولاتة دوب ثم نضيف الكريمة المتبقية على مرتين و تخليها ترتاح في فريجيدار حتى تتماسك انا نخليها تبات و غدوا من داك نطلعها

نحضرو الجينواز في خلاط كهربائي نخفق البيض و السكر مع قرصة ملح بالخلاط الكهربائي لمدة خمس دقائق كاملين حتى يكبر الحجم و يصبح قوام كريمي ثم نضيف الفرينة و الخميرة و كاكاو و فانيليا تكون مغربلة نضيف على على درجة حرارة متوسطة 170درجة حتى يطيبو مليح كي تبرد الجينواز نحيها من ورق الطهي

بعد ما باتت الكريمة نجبدها و نديرلها جبن الماسكربون وهدا اختياري تقدري ما ديريه و نطلعها بالخلاط الكهربائي حتى تصبح كريمة. نقسم الجينواز و نشربها ندير الكريمة و نخطي النصف الاخر و نشربو ثم ندير طبقة رقيقة من الكريمة و نزينها و عملت شوكولاته الطلاء بعد ما خففتها بشويه حليب حطيتها في النص التزيين و يبقى التزيين اختياري 🌹شهيه طيبه 🌹