بسم الله والصلاة والسلام على رسول الله وبعد نحضر العجين بخلط جميع المكونات وجمع العجين بالماء الدافي حتى نتحصل على عجين طري نخليه يرتاح مدة ساعتين بعدها نرجعلو نعجنو شوية ونقسمو الى خمس اقسام متساوية

نخليهم يرتاحو ونقرصهم رقاق ونزيد نغطيهم خمس دقائق ونطيبهم في مقلاة تيفال حتى تبدا تنتفخ نقلبها على الوجه الاخر وكي طيب نضعها في كيس بلاستيكي حتى لاتيبس

نقطع صدر الدجاج قطع صغيرة نضيفلو التوابل والملح والياغورت وزيت زيتون نخلطو جيداً ونخليه ليلة كاملة بتشرب نقلي اللحم بعد ذالك في شوية زيت حتى ينشف ويأخذ اللون الذهبي نضيفلو حبة طماطم مقطعة مربعات ونطفي عليه

نبدأ في تشكيل مربعات الشورما نضع خبز الشورما وفوقو اللحم من بعد بطاطا مقلية ورقة خس ومايوناز ونغلق عليه جيداً

نسخن مقلاة مخططة ونحمر الخبز تاعي انا استعنت بيد المهراس باه يتحمر جيداً ولي عندو بانينوز بصحتو وهكذا وجدت الشورما تاعي وصحة وهنا وصح فطوركم