في شوي زيت نقلي الدجاج و البصل و الثوم و الطماطم حب و الطماطم المصبرة و نضيف التوابل المذكورة و شوي قصبر و فلفلة حارة. كي تتقلى مليح نمرق بماء دافئ و نخليها تطيب. كي يدخلها الطياب نغسل الفريك و نصفيه و نضيفو للمرق و نخليه يطيب و يخثار و نحركو من حين لآخر باه مايلصقش لتحت. مع الاخير نضيفو شوي طماطم مصبرة و نزيد نخليها تغلي شوي و نطفي عليها. نزينها بشوي حشيش او قصبر. ناس الشرق يحبو الشربة خاثرة و حارة و حمراء.