نحضر العجين ولا نعجنه كثيرا فقط لمزج المكونات وترجع قليلا ملساء باش ما تتشلفطنا فالطياب اي ما تديرش نبابل كي نطيبوها ونقدرو نطمو العجين فالعجانه بحرف k هدا المقدار لخبزتين عاديتين حنا نقسموه على اربع كور صغار

نحضرو الحشو باش يبرد نقطعو البصل الى شراىح نحطوه في مقلات مع الزيت والملح والفلفل الاسود كي يدبال نظيف عليه الطماطم والطماطم المصبره والعكري ونخليه يتقلى مليح ونشوف ادا لازمو الماء نضيفلو ونخلوه يطيب ماحتى ما يلقاش فيه المرق

نبسطو الكره الاولى نحطوها فوق الطبق تاع البيدزا انا يساعدني كذلك تقدرو تخدمو على الرخامه عادي ونحطو عليها الحشو وندهنو الاطراف بالماء ونحطو عليها العجين الثانيه ونضغطو على الاطراف ونعملو ثقب فالوسط من الجهة العلويه فقط ونحطوها تطيب من الجهتين