في إناء او قصعة نحط الفرينة و مرغرين ذائبة و ملعقة خل و ملح فانيليا و سكر ملعقة على حسب حجم كيلات الفرينة ادا كانت كيلة كبيرة ندير ملعقة كبيرة وادا كانت الكيلة صغيرة ندير ملعقة صغيرة و كذلك مع الخل و حبة بيض ادا كانت كيلة كبيرة و نخلط و نبسس مليح الفرينة بالمرغرين ثم نجمع بالماء و المزهر بدون عجن ولازم تكون عجينة متماسكة نغطيها بالبلاستيك الغذائي و نخليها ترتاح على اقل ساعة انا خليتها تبات و جدتها في ليل و حطيتها في الثلاجة

نحضر الحشو نحط مكسرات سواء لوز او كاوكاو مع نصف ملعقة صغيرة قرفة و لافاني و سكر و نبدا نبلل بالماء الزهر و نخليه مفركت ماشي متماسك نفتح العجينة بالشويه نشا و بعد نمررها في ماكنة نفتحها في الرقم الوسط ثم ندير شويه نشا فيها و نعاود نطويها على اربعة و نمررها في ماكنة ثم نمررها في الرقم ما قبل الأخير و تقدري تفتحيها يدويا بارولو ثم نحي الجوانب بالجرار ثم ندير خط مائل كيما المثلت و نكيل مثلت من 3 وجوه و نقطع ثم نملأ الخانة الثانيه و نبدا نقفل في المثلاثات حتى نحصل على مثلث بثلاث طبقات

و نلصق ببياض البيض ثم نقليهم في الزيت ساخن و نقص الفرن نخليه على نار هاديه و نرش عليه زيت السخون بالملعقة باش يمدنا فقعات وتاع لخميرة نطيلهم مليح درنا السكر باش يمدلو لون جميل نقطرهم من الزيت و نحطهم في علبه محكمة الغلق و نعسلوهم وقت الحاجة كي نحبو نتناولوهم 🌹رمضان مبارك🌹