في إناء خلطي مارغرين مع سكر قلاص و فانيلا ثم ضيفي بيض و خلطي و زيدي نشاء و نستمر الخلط من بعد تلمي العجينة بالفرينة و خميرة مغربلين حتى تولي عجينة طرية و رطبة

حطي كيس غذائي على طاولة العمل و ضعي عجينة و زيدي حطي كيس غذائي و حب لي بالحلال رقيقة و طبعي بالطابع مستطيل او اي شكل حبيتي و طيبيها في الفرن 160 طيب من تحت فقط و خليها تبرد مليح

من بعد لصقي صابلي بالمعجون مشمش و نجيب ورقة صغيرة و نحط فوق صابلي كما في الصورة و ذرذري من الفوق سكر قلاص بواسطة صفاية و ندهن بالمعجون باستعمال بانسو و نزين بالكاوكاو و نعمل الخطوط بالشوكولا ذايبة

ملاحظة:علاش حليت العجينة بالكيس بلاستيكي باش تجيك ساهلة و تقدري ترفديها و ماتنشفلكش العجينة بدون إستعمال فرينة