بعد بسم الله الرحمان الرحيم،في جفنة نهرمش او نمعس الڨوفريط باليد جيداً حتى يتفتفت،نضيف عليه الكوكاو أو الفول السوداني مرحي ومحمص ثم نبدأ نلم في الكل بشوكولاته الطلي حتى تتلم ونقدر نشكل منها كرات ذات حجم متوسط واذا كانت لينة جداً ندخلها الثلاجة تشد روحها قليلا نأخذ قليل من عجين الڨوفريط ونشكلها كرية ثم نحط في وسطها حبة لوز ونغلق ونكورها مليح ثم نتركها في الثلاجة نصف ساعة على الأقل،

ثم نذوب شوكولاته (لوح)على حمام مائي ،انا زدتلها ملعقة كبيرة زيت نباتي حتى تعطيها لمعان ،لما تذوب تماما نضيف عليها الكاوكاو المرحي خشن ونخلطهم،بعد ما يبردو كريات القوفرات نغلفهم بالشوكولاته والكوكاو (نكونو نزعناها من النار طبعاً)ونتركهم ينشفو تماما هكذا نتحصلو على فريرو روشي بطريقة سهلة، محشو باللوز ومقرمش بنة خيالية 😋👌صحة وهنا على قلوبكم أعزائي 😊