اولا بعد بسم الله نقلي البطاطا المقطعة مربعات مع رشة ملح في الزيت و نصفيها و نفس الشي مع الكورجات نقليها (تقدرو ضيفو الخضر لي تحبوها او الباذنجان)

نفور باقي الخضر الجزر المقطع و الجلبانة (البازيلا) حتى تستوي بعد مانكون ملحتهم.و في مقلاة نحط البصل في الزيت ونذبلو مليح مع سنينات ثوم مبروش ثم نضيفلو الفلفل الاخضر المقطع يذبال غير شوية ثم نخلطهم مع كل الخضر المقلية والمفورة و نزيد الزيتون الاخضر المقطع و الجبن المبشور و دبشة (كزبرة) او معدنوس (بقدونس) مقطع و رشة كمون وفلفل اسود.

نضيف للبيض قرصة ملح و فلفل اسود و نصبو على الخضر و نسكبهم في مقلاة مدهونة بالزيت و نغطيها و نحمرها من الاسفل ثم نقلبها تحمر من الجهة الاخرى على نار هادئة نوعا ما وتقدم بالصحة والهناء حبيباتي💝 اقتصادية بدون لحوم وتجي بنينة بزاااف💯