في اناء نحط الفرينة مغربلة ونسكب فوقها الزبدة ونبسسها جيدا بالاستعانة بالاصابع فقط حتى نتحصل على خليط مرمل ونتاكد بلي تجانست الزبدة في الفرينة ثم نضيف رشة الفانيلا والخميرة وقرصة الملح ونخلط ونرش بمزيج الماء وماء الزهر حتى نتحصل على عجينة طرية ومتتلاصقش في اليدين ولازم نخلوها طرية يعني مانيبسوهاش هدا سر طراوتها ثم نغطيها ونخليها ترتاح مدة حوالي ساعة.

نوجد الحشو بخلط كل المكونات بالاصابع و نرش بمزيج الماء و ماء الزهر حتى نتحصل على شبه عجينة نغطيه و نتركه على جنب.

نشكل العجين كويرات ونوزنهم نفس الوزن يعني بين 30غ الى 35غ على حسب الحجم لي تفضلوه ونحلهم بالحلال دائرة و نحط الحشو على الحافة و نلويها على شكل حربوش و نحاول في البداية نغلق الحواف ثم نسويهم الى الداخل على شكل تشاراك او هلال نكمل كامل الكمية وندخلهم يطيبو بعدما يحضرو ويبردو ندهنهم بالقليل من ماء زهر ونغمسهم من كل الجهات في سمسم محمص ونزينوهم بخطوط الشوكولا السوداء المذابة على حمام مائي.