موسكوتشو رائع تع زمان
وصفة جدتي العزيزة على قلبي ربي يرحمها
الخطوات
- 1
ندير في ليان عميق البيض ونخلط بالفوي او بالباتوغ مليح مع قرصة ملح والسكر ثم نضيف الحليب ونخلط ثم الزيت غير بالشوية ونخلط ثم الفرينة والخميرة الكيميائية ونحرك ثم نحي كاس من الخليط نضيفلو الكاكاو ونحركو مليح اذا جا ثقيل بزاف ضيفيلو مغرفة كبيرة ولازوج تع حليب حتى يولي كيما الخليط الاول الأبيض وامبعدا جيبي المول تاعك
- 2
وادهنيه بالزبدة مليح مليح باش مايلسقش ثم رشيه بالفرينة مليح وانفضيه وديريلو نصف الخليط الابيض ثم ديري فوقو الخليط الكاكاو ثم غطيه مليح بالخليط الأبيض وديرلو فالكوشة على نار هادئة
- 3
وديرلو شوكولاته ذائبة مع الحليب او الزيت او الماء او ديريلو قلاصاج تع ام وليد فنجان زيت فنجان سكر فنجان حليب فنجان كاكاو بني وخلطيهم بالبرا حتى يثقال ثم ديريه من فوق وشبحيه بفرميسال ملونة وشهية طيبة للجميع
- 4
لازم تكوني شعلتي الكوشة من قبل بربع ساعة ديريه في الوسط كيتشوفيه طاب مليح من تحت دخليلو موس وشوفي شعليلو من فوق على نار هادئة باش يطيب (يستوي) مليح ثم خرجيه وخليه يبرد نحيه من المول
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
موسكوتشو تاع زمان موسكوتشو تاع زمان
#حلويات_زمان الموسكوتشو كان هو سلطان مايدة فطور الصباح او قهوة العشية
-
-
-
-
وصفات ننصحك بمشاهدتها
التعليقات (2)