نبدي بالكيكة نشعل الفرن حتى يحمى بينما نحضر الكيكة نخلي السكر والزبد نخلهم لحد ميصيرون مثل الكريمة ونضيف البيض والبيكنك باودر والفانيلا ونبدي نضيف الطحين تدريجيا وي الحليب ونخلط إلى أن نحصل على عجينة كيك متوسطة السمك يعني لا تكون ثخينة ولا خفيفة كلش وندهن قالب ونرشه بطحين ونصب العجين عليه ونخليه بالفرن ٤٠ دقيقة

بينما تصير الكيكة نحضر الكريمة نخلي السكر والزبد بخلاط نخفقهم كلش زين ونخلي وراه البيضة والحليب ونخلط بعدها نضيف الكاكاو والقهوة ونضيف المي شوي شوي حسب الحاجة حتى تصير كريمة متماسكة مو خفيفة

نخلي الكريمة بالفريزر إلى أن نطلع الكيكة من الفرن وبعد منطلع الكيكة ننتظرها تبرد شوية يله نقلبها حتى متلصق بالقالب وبعد ما نقلبها ننتظرها تبرد يله نزينها بالكريمة حتى متذوب الكريمة

بعد ما تبرد الكيكة نصب الكريمة السوداء، عليها ونبدي نزين سطحها بزينة الكيك واي كريمة أو زينة متوفرة