نحضر العجين في اناء نضع الفرينه والسكر ونقطع فوقها الزبده قطع ولازم تكون طريه باش تساعدنا ونحكوها بين يدينا من بعد نلمها بالبيضه وادا حسيناها ما تلمتش مليح نظيفو ملعقه حتى ملعقتين من الماء ونخلوها ترتاح ربع ساعه فالثلاجه

نحضرو الكريم في اناء نوضع كل شيء بارد في بارد اي البيضه والمايزينه والسكر والحليب ونخلط مليح من بعد نحطوها على النار مع التحريك المستمر وكي تعقد نظيفو ملعقه من المارقرين ونحركو مليح ونوضعوها فاناء ونغطوها بالورق الشفاف ولازم يلامس السطح نتاعها

نقطعو التفاح طبعا بعد ما غسلتو ونشفتو من الماء الى شرائح رقيقه

نبسط العجين بالاستعانه بالفرينه وباستعمال الحلال نرولي العجينه على الحلال ونرفدها ونحطها فالمول ما نحتاجوه ندهنو المول لان العجينه ما تلسقش كي تطيب ونعمل فيها ثقوب من بعد نفرشها بورق الطهي ونحط عليها حبوب وندخلها الفرن تطيب من التحت وننزع الورق والحبوب ونشعلها من الاعلى ونخلوها جانبا حتى تبرد

لما تبرد العجين تماما نضرب الكريم باتسيير بالمضرب الكهربائي حتى ترجع كريميه ونفرغها على العجين ونزينها بالتفاح ونرش عليها السكر وندخلها الفرن نشعلوه من الاعلى فقط حتى التفاح يأخد لون ذهبي قليلا ونخرجها نقدرو ندهنوها بلاجولي او حتى معجون ونخلوها تبرد وندخلوها الثلاجه وتقدم بارده

او بالصحه والراحه ولا اسهل واحسن من اللي تتباع 100 مره جربوها ماراكمش رايحين تندمو خياتي