في قصعه(جفنه)نضع السميد ونملح عادي ونلم العجينه بالماء الدافي حتى نتحصل على عجينه طريه من جهه اخرى في كاس نضع الخميره مع السكر والقليل من الماء الدافي ونخلط ونغطي عليهم وتخليهم يتفاعلو من بعد نضيفهم للعجينه بالشوي ونعجن حتى نتحصل على عجينه طريه وتتلاصق قليلا نخليها تختمر حتى يتضاعف الحجم

نحضر الحشو في مقلاه نضع الزيت وشرائح البصل ونتركهم على نار هاديه حتى يذبال البصل نضيفلو الفلفل و الطماطم المرحيه والثوم ونتركو حتى ينشف ونضيف الملح والفلفل الاسود ونقلي مليح كي طيب وتنشف نرحيها او تخليوها

نرجع للعجين بعدما اختمر نفتحو بالحلال ونعاون بالفرينه ونشكل دوائر كل قرصه فيها زوج دوائر من تحت ومن فوق وفالوسط نضع الحشو ومانوصلش للحواف وفالاطراف ندهن صبعي بشوي ماء ونمشيه على كامل الدائره باه نحط الطبقه الي من فووق ونضغط على الاطراف مليح نخليهم يزيدو يرتحو شوي ونخبزهم على الطاجين تاع الكسره عادي كي الكسره وتقدرو تغيرو فالحشو حسب الموووجود والا تضيفو الجبن راح يزيد يبنن اكثر والف صحه وعافيه✌✌✌✌