نضع في إناء الفرينة والزبدة طرية والملح ونبسس ومن بعد نضيف سكر والخميرة الكميائية ونلم العجينة بالماء البارد ونتركها تترتاح لمدة ربع ساعة أو عشرين دقيقة

في هذه الأثناء نحضر الحشو في مقلاة نوضع اربع ملاعق زيت وندير البصل المفروم يتقلا ومن بعد نضيف عليه الجزر المسكرفج ونخلط ومن بعد نضيف صدر الدجاج ونضيف نصف كأس ماء باش يطيب صدر الدجاج والجزر ونخليهم على نار هادئة نضيف ملعقة ص ملح وملعقة ص فلفل اسود وملعقة قرفة مطحونة ونقلب الخليط

لما يطيبو المكونات تاوعي نضيف جبن طري او مبشور لما يذوب نطفي النار ونخليه يبرد

نجيب العجينة تاعي ونفتحها على طاولة العمل ونقطعها مربعات صغار ومن بعد نجيب الحشو تاعي ونحط ملعقة منو في وسط المربع ونحاول نقفل الأطراف والحروف تاع المربع مليح ومن بعد نطلي بصفار بيضة وملعقة خل ونزين بزتون او جلجلان كما تحبو ندخله للفرن يكون مشعل من قبل ونخليه يتحمر ونحيه