اولا فى كسرونة نضع كامل المكونات و نحطها فوق نار هادئة، نحرك فيها باستمرار حتى نحصل على كريمة خفيفة نطفى عليها و نخليها تدفى.

فى وعاء كبير ناخذ البسكوى نكسره باليد بلا ما نرجعه بودرة يبقى قطع باينة ثم نفرغ عليهم الصلصة بشوية و نخلط حتى يتغلف لى كامل البسكوى.

فوق كيس بلاستيكى نضع الخليط لى تحصلنا عليه و نبدأ نلوى فيه بالبلاستيك و نزير عليه حتى نتحصل على حربوش نغلق أطراف البلاستيكة و نعاود نغلفه بالألمنيوم ثم ندخله الثلاجة حتى يتماسك مليح.

بعد ما نخرجه من الثلاجة ننحيه من الكيس و الألمنيوم نخليه يطلق شوية و نغطيه كامل بشوكولا ثم برقائق الكاوكاو.