مربعات الدجاج بطاجين الزيتون

#المهم_الطعم #الشيف_الذهبي صباح الخير خياتي واش حوالكم لباس جات في بالي فكرة الدجاج نعملو بهذي الطريقة مع مرق الزيتون صراحة جات بنته روووعة نتمنى تجربوه لانو طبق راقي ويحمر الوجه سوا لعايلتكم أو لضيوفكم

اقرأ المزيد...

مربعات الدجاج بطاجين الزيتون

وردة الياسمين المتألقة @Sana

المكوّنات

صدر دجاج
غرفية زيتون منزوع النواة
3 حباتبطاطا
2بصل كبار
مغرف ص ثوم مفروم
م صفلفل اسود
م صتوابل مرق ابيض
عودقرفة صغير
مغرف ك زبدة
مغرف ص كركم
مغرف ص زنجبيل
مغرف ص توابل دجاج
مغرف ص خردل
كسبر مقطع
جبن الهمبرقر تارتينو
مغرف ك نشاء
قطعةمن الشحم

الخطوات

1

بسم الله اللهم صلي وسلم على نبينا محمد في كوكوط نضع بصلة مفرومة ومغرف زبدة وعظم الصدر تع الدجاج للبنة وتوابل مرق دجاج وفلفل اسود وعود قرفة شوية برك ملح وقليل من الثوم المفروم نضع الكل على نار يتغلاو من بعد نمرق بكاس ونص ماء ونغلق الكوكوط غير نحط الغطاء بدون احكام من جهة نقلي البطاطا فريت ونتركها جانبا ومن جهة أخرى نغلي الزيتون
2

نفرم صدر دجاج مع الشحم والبصل والثوم نضيف الخردل والكسبر وتوابل الدجاج كركم وزنجبيل وقطعة الجومبو وقليل من الملح فلفل اسود نخلط الكل جيدا نتركهم عشرين دقيقة يتنكهو مليح من بعد نجيب بابي فيلم نضع عليه الدجاج المفروم نشكلو على شكل مربع نضع فوقه الجبن ثم نغطي بالدجاج نحاول نشكل مربع ونغلفو بالبلاستيك بابي فيلم مليح لنتحصل على مربع
3

نكمل كل الكمية لي عندي نضعهم في المجمد يحكمو رأسهم شوية من بعد نقليهم في المقلة بشوية زيت وزبدة لما نكمل القلي وتكون المرق طابت نضيفلها الزيتون لي غليتو 3مرات نعقد المرق بملعقة نشاء
4

في صحن نضع البطاطا المقلية ونسقي فوقها مرق الزيتون نضع مربعات الدجاج ونزين بشرائح الليمون والمعدنوس المقطع جا بزاف بنين صراحة المهم في الطعم
5

الطبق رآه يحكي على روحو صراحة جا بزاف بنين صدر دجاج بدون خبز مرحي خرجلي 8مربعات وحربوش صغير يعني كمية لباس بيها