في إناء حطيت السكر البيض الحليب الزيت وقرصة ملح وخلطتهم جيداً بالضراب اليدوي بعدها ضفت مبشور الليمون والفانيليا وخلطتهم جيداً ضفت السميد ايضا

بديت نحط الفرينة وحطيت معاها كيس خميرة كيميائية تقدرو تحطو نصف اذا متحبوهاش منفخة بزاف ضفت الفرينة حتى تحصلت على عجينة متماسكة لكن طرية بديت نشكل فيها اصابع

وحطيتهم في بلاطو فيه فرينة شكلت وفي نفس الوقت نحط مقلاة فيها زيت عادي يسخن لما شكلتهم عملت شق في الوسط وقليتهم من الجهتين وحطيتهم مباشرة في السيرو أو العسل رشة سمسم وهكذا تكون جاهزة

نصيحة: الحلويات اللي تتعسل دائما يا الحلوى تكون ساخنة والعسل بارد او العكس هذا يسمح انو الحلوى تتشرب العسل وماتتسكرش معاكم (تعمل طبقة سكر من فوق)

❤وبصحتكم❤