اولا ندفي الماء ونضعه في صحن كبير و نضيف له الخميرة نتاع الخبز والسكر و2كاس فرينة ونخلط جيداً ونتركه حتى يخمر

لما يخمر نضيف الزيت والملح والخل والخميرة نتاع الحلوى ونضيف الفرينة ونلمها هنا العجينة لازم تبقى طرية تلصق نتركها تختمر بعد ما تختمر نهبطلها الخميرة ونزيد نخليها تختمر مرة ثانية رايحة العجينة تولي ملساء

بعد هذا نكورهم انا تحصلت على ثلاث كور نستعين بالفرينة لانو العجينة تلصق نتركهم 5دقائق ثم نقرصهم يعني نسطحهم باليد ونتركهم يخمرو والطاجين هنا راهو يسخن ثم نطيبهم عادي هنا النار لازم تكون قاوية باش المطلوع يطيب (يستوي) ثم ثم ويجي خفيف بزاف وقدمتو بألف صحة وعافية