نخدم الجنواز:نطلع البيض حتى يتضاعف ثم نرمي السكر بشوية ونخلط بالباتور بلا ما ننسى رشة الملح كي نشوف الخليط ابيض نحبس ونزيد الفرينة والفانيليا والخميرة ونخلط غير بالملعقة بهدوء حتى يتجانس الخليط نفرغو في مول مدهون وندخلو الفرن

لما تبرد الجنواز نقسمها على زوج ونشربها مليح ثم نحشيها بكريمة الشانتي في الوسط ونغطيها أيضا من الفوق ندخلها الثلاجة شوية ثم نخرجها ونفرغ عليها صوص الشوكولا (نحط الماء مع الزبدة في كسرونة حتى يغلي ونفرغو فوق خليط السكر الناعم والكاكاو ورشة الملح نحرك مليح ثم نضربهم بالباتور ولا شفتيها مازالت سائلة تقدري ترجعيها شوية فوق النار وبعدين تحطيها فالثلاجة حتى تشد روحها)

اعملي خطوط بعود خشبي وزيني بالفواكه لي عندك أنا قطعت حبة الموز ودرتها على الجوانب وبحبات الرمان رسمت قلب ودرت داخلو بطات الحب💞💞💞