تحضير العجينة :في إناء نضع الحليب الدافىء نضيف ملعقة الخميرة و ملعقة السكر نخلط المكونات ونغطيهم و نخليهم 10دقايق يخمروا

نضيف الزيت ونخلط ثم نضيف الملح والطحين بالتدريج و معاها نص باكي خميرة الحلويات حتى نتحصل على عجينة طرية وتتحل بالحلال ونخليها حتى يتضاعف حجمها مرتين

للحشو:نضع المقلاة على النار فيها شويةزيت كي تسخن نحط الدجاج فيها يكون مقطع مكعبات صغار نضيف الثوم مهروس ثم الملح و الكركم والفلفل الأسود

نضيف الفلفل المقطع مكعبات والفلفل الحار المقطع رقيق حسب الرغبة وكمية اختيارية ندبلوه مليح ثم نزيد الطماطم المقطعة مكعبات حتى تذبال نزيد الطماطم المصبرة ونقليها مليح نزيد كاس ماء ونخليها اطيب على نار قليلة

كي يتبخر الماء نضيف البطاطا المقلية المقطعة مكعبات والبصل المقلي والزيتون ونخلي الكل يتشرب من النكهات ونخليها حتى تبرد

نقسم العجين الى 4اقسام متساوية بعد ما تختمر

نقرس القسم الاول دائري ورقيق نضعه جانبا ونقرس القسم الثاني نضعه في البلاطو الى يروح في الفرن نقسم الحشوة نحط قسم فوق العجينة المفرودة في البلاطو ونسويها مليح نحط عليها قطع الجبن الطري اي نوع والكمية اختيارية ثم نضيف الجبن المبشور

نغلق عليها بالعجينة المفروة الثانية ونستعين ببياض البيض حتى لاتفتح ونضغط الجوانب جيداً

ندهنها بصفار البيض ونزينها بقطع الزيتون الاخضر و نضعها في الفرن المسخن مسبقا على 180درجة حتى تنضج ثم نشعل من فوق حتى تحمر

نكرر نفس العملية مع العجينة المتبقية بنفس الطريقة تعطيني 2خبزات وبالصحة و الراحة والشكل موضح في الصورة