باسم الله والصلاة والسلام على رسول الله،نجيب مول السيليكون، انا عندي 2منهم واخترت تاع الوردة، نطليهم بالشوكولاته البيضاء جيداً، نكونو ذوبناها في حمام مائي بدون إضافات ونحطهم يبردو في المجمد 10دقائق ثم نخرجهم ونزيد طبقة ثانية من الشوكولاته ونزيد ندخلهم للمجمد ل10دق.

لما تتجمد الشوكولاته وتتشكل جيداً، نجيب الكاكاو (الفول السوداني) محمص جيداً لما يبرد نرحيه في الروبو رقيق ولكن ليس مثل الدقيق نخليه شوية أكبر من الكسكس، كل ما تخلاص كمية الحشو،نحضر وحدة أخرى لأنها ثم ثم تنشف وهكذا

نحشي وريدات السيليكون بهذه الحشوة ونخلي فراغ من الفوق حتى نغلق الوردة بشوكولاطة البيضاء الذائبة ونرجع الوريدات إلى المجمد يشدو رواحهم ونخرجهم، زينتهم بنقاط من شكولاطة بالحليب ذوبتها كانت عندي، يبقى التزيين اختياري وهاهي حلوتنا جاهزة ولذيذة 😋 بالصحة والهناء.

في البداية، نخلط كمية قليلة مثلا 3ملعقةكبيرة كوكاو مع ملعقة كبيرة نستلي كراميل وقليل جدا من عطر البرتقال (أو مبشور البرتقال أو الليمون) وقليل من ماء الزهر حتى تتلم المكونات ونحصل على عجين يتلصق نوعا ما، لو جاكم القوام مرخي زيدو شوية كوكاو ناشف.