في قدر نحط صدر الدجاج و نضيف البصل و الثوم و نقليه مليح ثم نضيف الملح و الفلفل اسود و نمرق بالقليل من الماء و نخليه ينضج

نحضر التليتلي نضيف له الزيت و نحطه يفور لما يفور نضيف له القليل من المرق و نخليه ينشف و نرجعه يفور نكرر العملية حتى يصير طري في الاخير نضيف له الزبدة

لما يطيب صدر الدجاج نفتته و نضيف له الجبن طري و الزيتون اخضر و الفلفل اسود و نخليه بجهة

نطيب التليتلي في المرق و نضيف القليل من الزيتون الاخضر و نخليه حتى ينشف

ثم نحطه في مول يدخل الفرن طبقة تليتلي و طبقة دجاج و طبقة اخيرة تليتلي و نضيف البيشاميل بعدما حضرناها بخلط كل المكونات باد في بارد ثم نحطها على النار تعقد

ندخله للفرن يتحمر و يقدم بالصحة