بسم الله : نخلط لبيض مع سكر حتى يذوب سكر نضيف عليهم الزيت او نخلط او نزيد لحليب او لفاني او نبدا ندير فلفرينة او لخميرة حتى نتحصلو على قوام ماشي سائل او ماشي يابس بين او بين نحيو شوية في اناء او نديرولو مغرفة كاكاو نجيبو لمول تعنا نفرغو نصف الخليط الابيض او مبعد نفرغو الخليط لي ضفنالو الكاكاو او نزيد نكمل نضيف نصف الاخر المتبقي من الخليط الابيض ندخلها طيب ملتحت كي تشوفوها طلعت او حمارت ملجوانب شعلولها شوية ملفوق او دخلو الموس تخرجوه تنقاوه ناشف خلاص معناها طابت

بعد.ماطابت نحيوها ملمول نجيبو شوية حليب ولا شربات نشربوها شوية بلبانسو باش متجيش ناشفة

صوص شوكولا : نجيبو طبسي نديرو فيه سكر ناعم او كاكاو او نزيدو عليه واحد مغرف تع ماء دافئ ابدا شتوها جارية زيدولها شوية سكر او كاكاو او دهنتها ملفوق او زينتها بشوية فرميسال الوان او فرميسال شوكولا او شوية كاوكاو مهم تزيين اختياري او واش راه متوفر عندك فدار "الجاد من الموجود"