بسم نبد اول حاجة نحضر ماسيدون نغلي ماء مليح نحط حوالي نصف م. ك ملح وقطرات من زيت نباتينحط الأرز نخليه حوالي5 دقائق ونقص عليه كي يشرب الماء نتاعو نطفي عليه ونصفيه نحطو في صفاية أو كسكاس ونخليه يبرد نحط زوج م. ك نتاع مايونيز ونحط علبة نتاع تونة وبشنة وفينيقرات وفلفل اسود وتوابل اخر (رأس حانوت، كمون ،كروية) ونخلطهم مليح نخليهم في جيهة

نقشر لخضرة يلي ذكرتها بطاط،جزر،بسباس، نغسلها نقطح مكعبات غير جزر نقسم دواور وزليقو نخليه كيما هو نظفو برك وبيطراف نقطعلو مكعبات

نجيب برما نحط فيها الماء نحط بيطراف ونخليه يغلي في الكسكس نحط بطاط زليقو جزر وبسباس بصح مانخلطوهمش كل وحد في جيها نخليهمونملحم حتى يطيبو مليح نحي بالوحدة ندخلها لاصوص فينقرات ونخبيه ولا نحطهم في صحن نقدر نضيف لهم فلفل اسود

بعد ما خلصت تحضير المواد نديرلها مونتاج نجيب دائرة نعمرها بالمايوتيز نحط سلاطة من جوانب ونحط في جانب بطاط يلي فورتها وحضرتها مسبقا ونحط قدامها بيطراف وفي جانب الاخر نحط بسباس وجزر يلي حضرتهم وبين كل خضر نحط 3روندلات من خيار