بسم الله اللهم صلي وسلم على نبينا محمد اولا في اناء كبير نضع الفرينة والنواشف ثم نلم بالماء والحليب نلم فقط بدون دلك نترك العجين يختمر من بعد نضيف الزيت ونعاود نعجن ندخل الزيت في العجين

نشكل من العجين كريات صغار ونبسطهم على منديل ونتركهم يختمرو نسخن الطاجين ونطيب المطلوع

من جهة نكونو تبلنا الدجاج ملح وفلفل اسود توابل دجاج ثوم وموطارد نطيب الدجاج في المقلة ونقلي البطاطا

نوجد كل من المايوناز والهريسة ونغسل السلكة بعد ما يطيب المطلوع نفتحه من جنب ونحشي بالطبقات مثل الهمبرغر

ومن بعد نقدمه مع مشروبات غازية يجي واش نقلكم روووعة خفيف وهشيش عملته وانا في دار بابا عجبهم بزاف وطلبو مني اني نعاودهولهم

بالصحة والراحة نعمة دايمة عليا وعليكم خياتي