نخلط البيض مع السكر و رشة ملح و الفاني مليح بالباتور حتى يولي الخليط ابيض ثم نضيف الزيت تدريجيا و نكمل نضرب مليح ثم ننزع الباتور

و نضيف مايزينة و نخلط باليد ثم نزيد لخميرة و الفرينة شوي برك ثم نقص كمية صغيرة من الخليط نحطها على جنب ثن نضيف الفرينة للخليط لي بقى حتى الحصول على عجينة طرية

نحكم الخليط لي نحيناه نضيفلو لكاكاو حتى نتحصل على اللون المرغوب فيه و لازم تكون لعجينة طرية بزااف باه متيبسش

الحصول على عجينة طرية بززاف نخليوها طرية لخطر لكاكاو يبس لعجينة

نحي شوي من العجينة البيضاء لي مزدنالهاش الكاكاو ونقرصها على كيس بلاستيكي مدهون بالزيت ثم نزيد نقرص شوية من لعجينة السوداء و نحطها فوق لعجينة البيضاء و نزيد نقرص شوي

ثم رولي و مباشرة نهزو نحطو في صينية مدهونة بالزيت و نعدلو شوية ثم ندخلو للفرن على 180 د يطيب مليح و يحمار شوي