في وعاء نحط الحليب الماء دافين والخمارة بياض بيضة السكر زيت لفاني ونخلط ثم نضيف الفرينة يالتدريج والملح حتى نتحصل على عجينة تتلاصق باليد وندلكها شوية ونخليها تخمر حتى يتضاعف حجمها

بعد ال تخمر نكسرلها الخمارة ونقسمها على 8كريات

ثم نحل كل كويرة على شكل دائري متساويين. ومن جهة اخرى نذوب الزبدة

ندهن وجه الكويرة الأولى بالزبدة ونحطها فوق اختها حتى نكمل والاخيرة ماندهنهاش كي نكملهم نحطها في الثلاجة مدة 3د

بعد مانخرجها من الثلاجة نحلها مليح وناخذ جريورة ونقسمها كما موضح في الصورة و تحشيها باش تحبي انا نصف حشيتو بالمعجون والاخر بالشكولاطة

ثم نشكلها شكل الكرواصون ونخليها تخمر بعد الي تخمر ندهنا بالبيض وندخلها طيب في الفرن يكون شاعل من قبل حتى طيب من الاسفل ثم من الفوق

شهية طيبة