في كاسرونة وضعت الماء عصير الماء بيضة النشاء السكر وحركتهم بارد في بارد من بعد وضعتهم على النار مع التحريك المتواصل كي عقد الخليط نزعتو من على النار ضفتلو الزبدة وعطر الليمون من بعد غلفتو بورق شفاف يكون يلامس سطح لكريمة ووضعتو يبرد على جهة

من بعد حضرت كريمة الشانتيه كاس ماء يكون جدا مع كاس شانتيه في الخلاط حتى نتحصل على كريمة كما موضحة في الصورة بعد ما بردتلي كريمة الليمون ديالي زدتلها نصف كمية كريمة الشانتيه ومكسيتهم بالميكسور

من بعد حضرت اكواب التقديم ديالي اكواب وضعت فيهم كمية من الشانتيه فالاسفل ضفتلها بشور الليمون وجوز مهروس من بعد زدت ضفت موس الليمون وزينتهم بالشانتيه والقليل من بشور الليمون وقطع الليمون واكواب وضعت فيهم كريمة الشانتيه بعد ماضفتلها جوز الهند كطبقة اولى الطبقة الثانية موس الليمون ثم طبقة كريمة الشانتيه بنكهة جوز الهند وطبقة اخيرة موس الليمون زينتهم بجوز الهند وقطع الليمون

وهاذي موس الليمون الشهية وبالصحة والعافية💓