اولا نحضر الجينواز في حصن نحط ٤حبات بيض لي يكونو بدرجة حرارة الغرفة مع قرصة ملح وكاس سكر نتاع ٢٤٠ملل ونطلع الكل بالباتور كي تطلعلي على شكل رغوة نحط كاس فرينة مغربلة مع الفاني ونخلط ونحطه في صينية الفرن لي نكون فرشتها بورق الزبدة ونحطها طيب ونكمل نزيد نحضر ٢ من الحينواز يعني المجموع ٣ نتاع الحينواز من بعد نطيب السيرو كاس سكر في زوج كيسان ماء وشريحة ليمون ونحطهم على النار وكي يطيب نخليه يبرد

من بعد نوجد كريمة ديبلومات في كاسرونة نحط ٢٥٠ ملل حليب زيد بيضة ٣ملاعق سكر ملعقتين مايزينة ونحطهم فوق النار ونخلط حتى تعقاد كي تعقاد نحط لفاني وملعقة زبدة ونحطهم في صحن نغطيها بسليفان ونحطها تبرد ونطلع كاس كريمة شونتي مع كاس حليب كي تيرد لكريمة اولى نخلطها بالباتور ونبدا نزيد في الشونتي ونزيد اغوم فراولة

نحكم كرطون باتيسري نحط فيه مول شكل مربع بدون قاعدة نحط لجينواز الاولى نسقيها مليح ونحط كريمة نزيد نحط جينواز ونبقي هاك حتى نكمل من بعد نحي المول نحط لكريمة فقاع الجوانب تم نحط صورة ويلعقل عليها فساع تنقرط نسقمها مليح ونجط كاوكاو ايفيلي فاجواني وندير ديغوزاز ملفوق ونحطها تبرد وملفوق زينتها بشوكولاطة لي كنت شكلتها وشهية طيبة