نبدأ بدجاج حطيت فخذين من الدجاج في كيس للفرن وحطيت عليه زنجبيل كمون فلفل أسود ملح ملعقة صغيرة هريسة ونصف ملعقة كبيرة طماطم مصبرة حبة بصلة مقطعة شرائح وحبة ثوم مقطعة شرائح وحبة طماطم مقطعة شرائح صغيرة و القليل من الزيت النباتي وربطها وخلطها مليح مليح حتى تخلط كلش في بعض و حطيتها في الفرن طيب من التحت وشعلتلها من الفوق باش تتحمر ونقدمها

نروحو للأرز حطيت كمية من الزيت وكمية من الزبدة في مقلاة حطيت عليهم كاس من الأرز البسمتي وخلطهم مليح مليح حتى تحمرلي هذاك الأرز وخذا لون ذهبي فالطرف الآخر حطيت حبة بصل حبيبات ثوم وحبة طماطم رحيتهم فروبو ومن بعد ضفتهم للأرو نتاعي وضفت نصف ملعقه كبيره طماطم مصبرة وملح وفلفل اسود كمون وزنجبيل كمية من الزيتون الأخضر وحبيبات حمص حبة بطاطا كنت قطعتها مربعات صغيرة وحطيتها تغلي في الماء والملح مدة 5دقائق بعد مايتقلالي كلش نتاعي مليح نضيف زوج كيسان ماء بنفس الكأس لي كيلت بيه الأرز نتاعي وتخليها الطيب