نحط ربع بيضات بدرجة حرارة الغرفة في وعاء ونحط عليهم كاس سكر عادي ونخلطهم بالبطار مليح مليح حوالي 10دقائق وأنا نخلط حتى يولي الخليط نتاعي أبيض ونجيب الزيت ونضيفها الخليط نتاعي تدريجيا وأنا نخلط ونفس الطريقه مع الماء نضيفو تدريجيا وأنا نخلط ونضيف ملعقة من الفانيليا وملعقتين من الكاكاو من الأحسن الكاكاو البني ومبعد نحبس التخليط والباطار ونجيب الفرينة نتاعي ونضيفها غير بالبلاعقل وأنا نخلط بواسطه ملعقة ونضيف كيس من خميرة الحلوى ونجيب المول نتاعي الشكل لي حبيتوه ونفرشها بوق الطهي باش ماتلسقناش

نفرغها في المول ونحطها في الفرن لي كنت حايتلو يسخن قبل مانبدا الخدمة وكي طيب نخليها تبرد ونقسمها على زوج

ومن بعد نجيب كاس حليب بارد وكأس كريمة الشانتيه وملعقة كاكاو وضربتهم بالخلاطت نتاعي مليح مليح ومن بعد نجيب تصف السفلي من الكيكة نتاعي ونديرلو سيرو لي كنت طيبتو من قبل لي فيه كأس سكر وكأس ونص ماء وقطعة ليمون ونحطو يغلي

ومن بعد نخليه يبرد ونشرب الكيكة نتاعي مليح ومن بعد نحط كريمة الشانتيه لي كنت خدمتها ونحاول نوزعها على حساب الكيكة نتاعي ونرجع فوقها الطبقة الثانية من الكيكة ونزيد نشربها بالسيرو نتاعي مليح ومن بعد نجيب شوكولاته سوداء نحطها في حمام مريم ومن بعد نفرغها فوق الكيكة نتاعي

ومن جيه نجيب مول السليكون يكون على شكل قلب نحط فيه كمية من الشوكولاته على حسب السمك لي تحبوه ونحطو يبرد وكي يجمد مليح نحيه من المول ونقسمو على زوج ونجيب النصف الثاني ونرسم عليه خطوط بالشوكولاته البيضاء هاذ الشيئ إختياري وزينتو بالورد هو مش للأكل بصح أنا ستعملتو لتزيين فقط ،🙄😁 ونخلي الكيكة نتاعي تبرد مليح ونقدمها ولا أروع بصحتكم