ناخذ اناء نحط فيه الحليب والماء الدافئ ثم نزيد قشور الليمون ولافاني والسكر والخميرة الفورية نخلطهم بواسطة فوي ثم نزيد كاس فرينة ونخلط ثم نغطيهم بساشي ونخليهم عشر دقائق

ننزع الغطاء ونضيف البيض والزيت والملح ونخلط و نضيف 3كيسان وربع فرينة وملعقة الخميرة ونطم العجينة حتى نحصل على عجينة طرية و تتلاسق ندلكها حوالي دقيقتين ثم نغطيها ونخليها تخمر جيدا

ندهن طاولة العمل بالزيت ثم نحل الكوبرة ماشي رقيقة شوية خشينة ثم نديرلها ملعقة صغيرة شوكولاطة ثم نغلقها جيدا ونحطها في صينية فيها ورق الطهي ونغطيها ونخليها تخمر

كي يخمرو ندهنهم بصفار البيض مع شوية حليب وعطر القهوة وندخلهم الفرن من التحت ثم من الفوق على نار قليلة

كي يطيبو ويبردو ندهنهم بالعسل ونرش عليهم سكر رطب