نحضر لعجينة, نخلط الحليب مع البيض و الخميرة و السكر و الزيت و نخلطهم بالفواي مليح ثم نزيد لملح و لفرينة تدريجيا حتى نتحصل على عجينة طرية و ملساء

نخليها تخمر حتى يضاعف حجمها مليح و نزيد نهبطلها التخمار و نخليها تزيد تخمر مرة ثانية ثم نقرصها بالفرينة بسمك متوسط و نهزها نحطها فوق لوحة خشبية و مرشوشة بزااف بالفرينة باه متلصقش و ندهنها بصوص تومات و ندير الزيتون الاخضر و الفلفل و حبات زيتون اسود كريمة الجبن نديرها في بوش و ندير بيه ثم رابي لفرماج

نسخن الطاجين تاع لحديد مسبقا على نار هادئة و نحط لبيتزا بواسطة اللوحة ونخليها تحكم روحا مليح وتبدا تنتفخ ونحركها بيدي على كل الجوانب باه طيب مليح تاخذ لون كيما تاع برا ثم نهزها ونحطها في صينية فرن تكون ناشفة ونشعل من فوق وندخلها للفرن يذوب الجبن و تنشف شوية و نحيها(كي نحيها من الطاجين نزيد رابي عليها لفرماج)