نخلط السميد مع الملح و نشمخ بالماء حتى نتحصل على عجينة يابسة شوية نديرها في كيس بلاستيكي و نخليها ترتاح (باه جيك ساهلة في الدليك)

ثم ندلكها مليح كي تبدا تولي طرية نبدا نشمخ يدي بالماء و نزيد ندلك مليح كيما عجينة لمسمن حت الحصول على عجينة طرية نديرها في كيس بلاستيكي و نخليها ترتاح ساعة او اكثر

ثم نكورها كريات متوسطة الحجم و ندهنهم بشوية زيت و نغطيهم بكيس بلاستيكي.نسخن طاجين تاع لحديد على نار متوسطة و نبدا نقرص الكريات بخليط(الماء و الزيت) نقرصهم بسمك شوية خشين ميش بزاااف و نحطهم يطيبو منخليهمش لونهم ابيض شوية يكون فيهم احمرار

ثم نفتتهم قطع متوسطة و كي يبردو مليح نديرهم في كيس بلاستيكي الى حين استعمالهم