نبدأ بالطريقة الآولى......... اولا نغسل الليمون جيدا بالماء وبعدها نجيب لاراب نتاعي ونحكوا فيها حتى نحكي كامل القشره الصفراء فقط منقيس القشره البيضاء خاطر مره وبعدها نحطهم بورتمونجي ونخبيها فالمجمد نحتاجها لتحليات أو للقاطو أو العصير إن شاء الله

والان نبدا بالطريقه الثانيه...... نجيب هذاك الليمون ونقطعه الى دوائر بهذا الشكل حتى نخلص كامل الكميه اللي عندي نجيب صينيه نفرشها بابي فيلم ونحطها في المجمد حتى يجمد كامل وبعدها نحطو في صاشيات نتوما قسموه كما تحبو ونحطو في المجمد ما راح يفسد لي لمده عام او اكثر

الطريقه الثالثه........... الحبه تاع الليمون حتى نحيها كامل القشور حتى القشره البيضاء نحيها كامل ونحيلها العلف او البذور ونقطعها الى مربعات ونحطها في ساشيات و نجمدها نفس الشيء هي تقعد لمده عام او اكثر نحتاجها في العصير لرمضان المبارك ان شاء الله

الطريقه الرابعه هي نغسل الليمون تاعي مليح بالماء ونحطو بهذه الشكل في بورتمونجي أنا تفادو لي تباعو فيهم المادلان ههه وغلفتو بابي فيلم ونحطو يجمد

اما بالنسبه للطريقه الخامسه وهي مركز الليمون معصر الحبات تاع الليمون تاعي في العصاره ومن بعد نحط كامله داك العصير في كسرونا ونحطو فوق النار ونبشر القشور تاع الليمون تاعي ونحط المبشور تاع الليمون معاه يغلي ونضيف له كميه من السكر على حسب الرغبه وبعدها مربعات ونحط يتجمد ونلمو مع بعض في بورتمونجي ونخبيه في الكونجيلاتور

اما بالنسبه للقشور اللي بقاو له راح نستغلهم وراح نديرهم منظفات نلم كامل القشور نتاعي ونحطهم في ماء يغليو وبعدها كيغليوه نحي هذاك الماء نحطو في بخاخ ونعقم به

إن شاء الله يكون عجبكم هذا فقط كفكرة لناس لي يحبو يقتاصدو خاطر في الشهر الفضيل إذا حيانا ربي راح يغلا بزاف القارص هكذا نستعملوه بكميات لي نحتاجوها وبلا مانكلفو رواحنا بزاف