#اسبوع_الكيك

#المرور_الثالث#الحملة_التشجير#حراير_الجزائر

وصفة اليوم تحلية عائلية ولا كيكة او موسكوتشو بكريمة باتيسيار ومحشية داخل وماتخموش ساهلة بسيطة وسريعة في وقفة توجد ليها ليه تحضروها والاهم من هذا كامل انها بنينة وتتخطف خطيف التالي مايلحقش وبلا ضراب كهربائي غير بفوي ولا فرشيطة ونتي فريتي الحالة راح ندير البيض مع السكر لافاني ورشة الملح الاكيد بلا ماننسى الزيت والحليب وهذااا كاااامل وانا نخلط ثم ضفت الفرينة مع الكاكاو البني و الاسود والخيار ليك تحبي ديريهم في زوج ولا واحد منهم المتوفر في دار مع خميرة الحلوى واكيييد النواشف مغربلين وفي الاخير مغيرفة الخل باش تمدلها طراوة وهشاشة في مول نفرغ الخليط وفي فرن مسخن من قبل نطيبهاونحضر الكريمة لي عمري نبدلها بزاف بنينة انا خيرت ذوق شكولا ونتي الاختيار ليك تحبيها فانيليا ولا كراميل.... كيماااا تحبي والحشو شرائح رقيقة من البنان ولا أي فاكية متوفرة عندك نفرغ هذيك الكريمة لبنييينة وندخلها تبردكلمسة تزينية ضفتلها البنان من الفوق والبنة ياسلااام بعثتها لعجوزتي وبزاف عجبتهماحتفظو مليح مليح بالوصفة راهي من أنجح وصفاتي المجربة 😊😍

هدي كيكة ممزوحة بين سميد ولفرينة جي رطبة نوعا ما نتمنى تعجبكم اول وصفة

كيكة سهلة وسرعة بلخف توجد

كيكه المول العجيب على طريقتي الخاصه احضرها مع قهوة مساء

بكريمه الليمون

مساء النور فراشاتي توحشتكم كيف حالكن جميعا خاصه مشرفات كوكباد هذه الكيكه جربتها من عند ام وليد مع اضافه لمسات خاصه 🌹🌹🌹

درتها موسكوتشو عادي لحفلة المولد النبوي لابني فالروضة وجدتها في اخر لحظة (حليب بودرة) فالليل والصباح داها معاه

لعشاق الشكولا والكاوكاو😋😋