بسم الله وعلى بركة الله اللهم صلي وسلم وبارك على سيدنا محمد وعلى آله وصحبه أجمعين

نحط سميد ونزيد ملح ونخلط ونزيد سمن ذايب مخلط مع زيت ونحك بالأيدي مليح حتى يدخل السمن في السميد ونرش الماء مخلط بالماء الزهر غير بشوية حتى تتلم العجينة

نوجد الحشو ندير التمر طري ونزيد القرفة والكاوكاو وجلجلان والمرغرين وماء الزهر ونخلط الكل مع بعض ونزيد زيت حتى تتلم

نحكم ساشي ونحل نصف العجينة ونطبعها بطابع ونخليها على جهة

ونحل التمر على ساشي ونطبع بنفس طابع وندير حبة من التحت وحبة من الفوق وفي الوسط ندير التمر ونغطيها بساشي ونزيد نحلها شوية به يلسق التمر مع العجينة ونطيبهم في الطاجين نكون سخنته من قبل ونقص النار متوسطة

ونقدمهم بالصحة والهناء

♥️♥️♥️♥️♥️♥️♥️♥️🇩🇿🇩🇿🇩🇿🇩🇿🇩🇿🇩🇿🇩🇿🇩🇿♥️♥️♥️♥️♥️♥️♥️♥️