اولا نخدم السيرو في كسرونة نحط الماء مع السكر نحطهم فوق النار كي يبدى يغلي نحسب 10د و نطفي عليه نشعل الفرن وندهن المول قطره 24\24 ونغبرو بالفرينة ونخليه بجهة

في اناء نحط البيض مع السكر ورشة ملح نضربهم بالباتور حتى يصبح اللون فاتح نضيف الزيت تدريجيا مع الخلط المستمر بعدما يندمج نضيف الحليب وتخلط خلطة خفيف ونحبس نضيفالفرينة نجوزها في صفاية مع الخميرة ونقلب برفق حتى نكمل

نفرغة في المول ونخبطو شوية باش يستوي السطح وندخلها الفرن نشعل من تحت كي نشم الريحة بلا ما نفتح عليه نشعل من الفوق من الفوق كي يتحمر نطفي ونخليه يبرد تماما

نقسم الكيكة من الحواف ونستعين بخيط باش نقسمها في الوسط نشربها بالسيرو بارد ونحط طبقة تاع شونتي ونضيف الطبقة التانية ونشربها مليح ونزيد نغلفها مليح بالشونتي وندخلها الثلاجة ساعة وكاملة

بعدها نغلفها بالكاوكاو من الحواف ونعمل روزازات من الأطراف وناخد علبة داينت تضيفها لقطع الشوكولا المذابة و نحطها في الوسط وبالصحة والراحة