نحضرو الدجاج نتبلوه جيدا من بعد في مقلاة نحطو القليل من الزيت يسخن من بعد نحطو البصل مقطع قطع صغيرة يتقلا جيدا مع الدجاج. والفطر من بعد نضيفو الماء حتى لي يطيب الدجاج من بعد نحيوه و نرحيوه و نخلطوه مع حبة البطاطا المسلوقة و المعدنوس و ملعقة الخبز المرحي و نخلط الكل جيدا

من بعد نشكلو كرات نحطو في وسطهم قطع جبن صغيرة و نكوروهم مليح من بعد نرمدوهم في البيض و الخبز المرحي و نقليوهم في زيت غزير حتى يكتسبو اللون الأحمر ندخلوهم في أعواد الشواء. و نحطوهم فوق الصلصة لي طيبنا فيها البصل و الفطر و نزينو الطبق تاعنا كيما نحبو