بسم الله أولا لبنات نبدأ في تحضير الجينواز لبنات باه تفهمو المقادير هذو رح يعملولك صينيتين يعني 2 من الجينواز أي طبقتين لرقم واحد 🚫

أولا في وعاء نضع البيض مع السكر و الفانيلا و الملح و نستعمل البيتران و لي معندهاش تستعمل الباتوغ المهم أول سر لنجاح الجينواز هي لازم أنو البيض تضربوه جيداً حتى يولي أبيض تماما و يتضاعف حجمو كليا في هذه اللحظة نضيف الفرينة بعد ما صفيتها مليح و بالنسبة للفرينة نخلطوها بواسطة ملعقة حتى تمتزج مع الكل لنتحصل على خليط أبيض و خفيف

بعدها نحضر صينيه و نضع فيها ورق الزبدة لي يساعدنا باه ماتلصقش الجينواز :

بعدها نقسم هذي الكمية إلى نصفين و نضع كل واحدة في صينية و نكونو سخنا الفرن 180° _ 12د فقط

و بعد ما تبرد قليلا نشربها ب ½ كوب حليب 🥛 هذي الخطوة مهمة لبنات قبل ما تقسموها شربوها بالحليب ثم جيب الأعداد لي تكونو طابعينهم من قبل و حطوهم فوق الصينية و باستخدام السكين قطعو الجينواز حسب العدد

بالنسبة للأرقام اي طبعتهم حبيت نخليهملكم باه تكون عندكم فكرة و للمهتمين لي يحبو يطبعوهم:

بعدها نخلوهم على جنب و نصنع ڨاناج مونتي لي اقتصادي 100% بدون كريمة طازجة أولا نحضر الشكلاطة البيضاء و نقسمها إلى قطع رقيقة جداا هذا أهم شيئ و نكونو مسخنين الحليب جيدا بعدها نضع الحليب الساخن فوق الشكلاطة و نحرك مباشرة باش الشكلاطة تذوب ثم في حمام مائي نكمل التحريك حتى تذوب كل الشكلاطة في هذه الأثناء نضع الزبدة و نكمل التحريك بعدها نحطهم في إناء و نخليها فالثلاجة

بعد ما نشوقو الكريمة جامدة يعني متماسكة مليح نحضرها و باستعمال الباتوخ في أعلى سرعة نطلع الڨاناج ديالنا و في ثواني الغاناج رح يكون كريمة و بنينة بزااف نخليها فالثلاجة تحكم روحها قليلا...

و هنا نأتي لعملية التركيب نحضر الأرقام و نزيد نشبهم قليلا بعدها في كيس حلواني نضع الكريمة و نقطع حجم متوسط يعني و بواسطة الڨاناج نمر من كافة الأطراف بهذا الشكل :

و الفراغ لي يبقى فالوسط نكملوه بكريمة الشونتيي و بالمناسبة سبب اختياري للڨاناج مونتي هو أنو السسب الرئيسي لي يخلي الطبقة العلوية تبقى حاكمة روحها و مستحيل تهبط و نكمل هكذا حتى للطبق العليا مثل الشكل:

و شهية طيبة 💛

ملاحظة: المقادير تكفي لصنع رقم واحد فقط!🚫

ملاحظة : أنا ضاعفت الكمية باه حصلت على رقمين !